Halla Skalla :)

Veit eiginlega ekki hvort ég eigi að hafa fyrir því að skella inn enn einum djamm póstinum?? ... en ég veit að þið fílið það, so here I go :)

Er samt ekki búin að djamma það mikið... Er búin að gera nokkrar heiðarlegar tilraunir, en án árangurs :S Hef þá alltaf endað með því að keyra heim (ekki drukkin fyrir þá sem voru byrjaðir að súpa hveljur og punkta hjá sér nokkur vel valin blótsyrði)...

En án gríns... núna er sko komin djamm pása þangað til í maí, og þá verður eitt suddalegasta júróvísjón djamm sem menn hafa vitað um tekið ;) Hver er game með mér í það?? -- en bara til að hafa það á hreinu, ef...og bara EF e-ð svaka spennandi og ómissandi er að gerast, og það krefst þess að ég sé drukkin, þá má það alveg gerast :) Ég er ekki í djamm-banni, heldur bara aðeins í smá pásu... bara svona til að hafa þetta allt á hreinu, og svo enginn geti skammað mig EF ég skyldi detta í það brálega!

Helgi bóndastrákur kom í bæinn um daginn (nohh...bara rím og læti) og tókum við svakalegt djamm saman... og þá meina ég SVAKALEGT!! Ég var á djamminu til hálf 7 um morguninn... fór heim, svaf í 40 mín, vaknaði, sótti Birgittu sem hafði líka verið að djamma með mér, keyrðum í vinnuna og UNNUM Í TÓLF TÍMA!!!!!!!!!!!!!!!! Það verður aldrei, og þá meina ég sko aldrei endurtekið!!!

Myndir frá því:
Helgi, Halla, Nonni, Runi... SO DRUNK!!!!

Captain Janus, Halla og Captain Mingi

Við Birgitta vorum EKKI fullar, við myndumst bara mjög illa!

En já, bara til að tala um e-ð annað en djamm... þá skelltum við Birgitta okkur norður í Mývatnssveitina um daginn :) Það var ekkert smá gaman! Jónas snillingur kom og hitti okkur fyrir norðan og var með okkur í sveitinni. Það var yndislegt að fá hann með okkur, hann sannaði sko sannarlega að hann er algjör sveitalúði... og það gerði hún Birgitta líka! Hefði sko ekki getað trúað því að þessi hard core borgarstelpa gæti leynt svona svakalega á sér!!!! hahaha... og þau höfðu ekki huuuugmynd um að ÉG gæti líka leynt svona á mér! Við erum að tala um það að ég gerði mér lítið fyrir, skellti mér í bleika peysu, bleika skó, bleika húfu..og hoppaði svo á bak og reið á mývatni!!! Get sagt ykkur það að ég var að drepast í klofinu daginn eftir.... og ó mæ god! Ætla að leiðrétta STRAX það sem ég sagði áður en þið pervertar farið að búa ykkur til einhverja sick hugmynd í þöngulhausnum ykkar! Ég semsagt fór á hestbak og við fórum á hestunum þvert yfir Mývatn, því það var frosið ;) There you have it!

Við löbbuðum líka í marga klukkutíma um Mývatnssveitina! Fórum í Dimmuborgir, sem ég get sagt ykkur að það er ekki það gáfulegasta að vetri til! Við óðum svo mikinn snjó að snjómaðurinn ógurlegi hefði ekki meikað meir! Við löbbuðum stærsta túrista hringinn, hann átti að taka klukkutíma í góðri færð... god knows að það var ekki góð færð, þannig að við vorum sko miklu lengur en þennan blessaða klukkutíma! Og ekki nóg með það, heldur þegar við héldum að við værum loksins komin á leiðarenda, þá álpuðumst við inná einghvern annan hring og þurftum að gjöra svo vel að klára hann líka!!! Man hvað við vorum þreytt eftir þennan dag, áttum það alveg fyllilega skilið að liggja eins og skötur í jarðböðunum um kvölið :)

En já, skelli inn nokkrum myndum frá Mývatni og af djamminu :)
Fleiri myndir inná myspacinu mínu: www.myspace.com/hallaskalla